Халықаралық қарттар күніне орай өткізілгеніс –шаралар

Қазіргі таңда біздің мемлекетімізде қарттарға үлкен мән беріп, көңіл аударып, жан- жақты үкімет тарапынан қамқорлық жасалуда. Қазақстанның өсіп-өркендеуіне, еліміздің бейбітшілік тыныш өмір кешуіне өз үлестерін қосқан осы ардақты да аяулы қарттарымыздың арқасы деп есептеймін. 1 қазан күні саналы ғұмырларын Отан деп, тынымсыз еңбектерімен мемлекетіміздің негізін салуға жол ашқан алдыңғы буын аға- апаларымыздың төл мерекесі. Олардың өмір жолдары бүгінгі ұрпаққа табылмас қазына, үлгі, өнеге.
«Қариясы бардың-дариясы бар»,- демекші мектебімізде 1–ші қазан күні «Қарияларға бас иеміз» тақырыбында тәрбие сағаттары өтіп, мерекелік кеш, концерт болды. Бұл күні осы мектепте жұмыс істейтін зейнеткер, қызмет атқарған мектебіміздің ардагер ұстаздары Ландик А.А, Литвинович Е.В, Меньшова О.Д мектепке шақырылып, оқушылар мен мектеп мұғалімдері қарттарға өздерінің өнерлерінкөрсетіп, жүрекжарды құттықтау сөздерін айтып шапағатынабөленді. Аяулы қарттарымыз балаларға өз тәлім, тағылымдарын айтып, өнеге етті.



Сонымен қатар мектеп әкімшілігі қарттарды мерекелерімен құттықтап, өз тілектерін білдірді. Қарттар ризашылығын білдіріп,алғыстарын айтты. Қарттар мерекесіне арналып «Қарттарым – асыл қазынам» тақырыбы бойынша қабырға газеттері шығарылды және бастауыш сыныптарда суреттер байқауы өткізілді. Мектептің тәлімгері А.Абилхаирова «ЖасҰлан» ұйымымен бірлесе «Қарты бардың қазынасы бар» ұранымен ауыл қарттарының үйіне барып, көмек көрсетті.

Қорыта айтқанда, барлық жасаған сый – сияпаттарымызға еңбек ардагерлері риза болып, алғыстарын білдірді.