«Ұстазға тағзым!» атты апталықтың анықтамасы

Тұрар Рысқұлов атындағы №20 жалпы білім беретін мектебі
2018-2019 оқу жылындағы 24.09-6.10 аралығында өткен «Ұстазға тағзым!» атты апталықтың анықтамасы

Мектебімізде 2018-2019 оқу жылының 24.09-6.10 аралығында мұғалімнің қоғамдағы имиджін қалыптастыру, педагог мәртебесін арттыру, моральдік- материалдық ынталандыру мақсатында «Ұстазға тағзым!» атты апталық өтті. Апталықтың жоспары жасалынып, мектиеп директорымен бекітіліп, көптеген іс-шаралар жоспарланды. Жоспарға сәйкес 8-10 сынып оқушылары «Менің сүйікті ұстазым!» тақырыбында сүйікті ұстаздарына хат жазып, алдын ала дайындалған жәшікке хаттарын салды. Оқушылар жәшіктегі хаттарда сүйікті ұстаздарына жүрекжарды тілектері мен өлеңдерін жолдапты.
«Қариясы бардың-дариясы бар»,- демекші мектебімізде 1–ші қазан күні «Қарияларға бас иеміз» тақырыбында тәрбие сағаттары өтіп, мерекелік кеш, концерт болды. Бұл күні осы мектепте жұмыс істейтін зейнеткер, қызмет атқарған мектебіміздің ардагер ұстаздары Ландик А.А, Литвинович Е.В, Меньшова О.Д мектепке шақырылып, оқушылар мен мектеп мұғалімдері қарттарға өздерінің өнерлерін көрсетіп, жүрекжарды құттықтау сөздерін айтып шапағатына бөленді. Аяулы қарттарымыз балаларға өз тәлім, тағылымдарын айтып, өнеге етті.

5 қазан күні «Ұстаз ұлағаты» тақырыбымен ұстаздар күніне арналған өзін-өзі басқару күні болды. Өзін-өзі басқару орталығының жетекшілігімен 11 сынып оқушылары сабақтар берді. Оқушылар ұстаздар еңбегінің қаншалықты орасан зор екендігін түсінді. Мектеп түлектері әр сабаққа мұқият дайындалып, өздерінің болашақ маман иесі болатындарын сезінді. Мектеп директорының кабинетінде жиналыс өткізіп, бір күн бойы еңбек атқарды.

Ал мерекелік күнгі ұстаздарға арналған «Ұстазым менің!» атты тәрбие сағаттарыжоғары дәрежеде болды.Атап айтсам А.Лескенова, Д.Жылгелдина, Қ.Омаров, С.Аманбаева, Е.Э.Фортуна, Г.Асанқұлова.

«Ұстазым – ұлағатым, үлгі-өнегем!» атты мектеп түлектерінің дайындаған мерекелік концерттік бағдарламалары ұстаздардың көңілінен шығып, баршамызды қуантты. 11 сынып оқушылары ән айтып, би билеп, тамаша көріністерді тарту етті.