Қазақстан Республикасының Президенті Н.Ә.Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» атты жолдауы

[/center][/center]
Мектебімізде 2018-2019 оқу жылының қазан айында«Ойтал» ауылдық округі әкімінің орынбасары- Оспанбекова Г.Ж, әскери орынының бас маманы Өзбекбаев Н, мектеп ұжымының қатысуымен Қазақстан Республикасының Президенті Н.Ә.Назарбаевтың Қазақстан халқына арналған «Қазақстандықтардың әл-ауқатынның өсуі: табыс пен тұрмыс сапасын арттыру» атты кезекті Жолдауын талқылау мақсатында жиналыс өтті. Жиынды ашқан мектеп директоры- Жақсылықова Ғ.Х Елбасының кезекті Жолдауының мазмұнының тереңдігіне тоқталды. Сондай-ақ, Қазақстан халқы жыл сайын асыға күтетін Елбасы Жолдауының өз ерекшелігі бар екендігін айтып, елдің игілігіне бағытталған басты құжатта ел өміріне қатысты салмақты дүниелер мен әлеуметтік салаға қатысты маңызды жаңалықтар жария етілетіндігін тілге тиек етті. Сонымен қатар, Нұрсұлтан Әбішұлы біз талқылап отырған Жолдауында былай деген болатын: «Халқымыздың бақуатты өмір сүруі және еліміздің озық дамыған 30 елдің қатарына қосылуы –Тәуелсіз мемлекетіміздің мәңгілік мұраты. Бірлігіміз мызғымаса, ынтымағымыз ыдырамаса, біз үшін алынбайтын асу, бағынбайтын белес болмайды. Әсіресе, Елбасының 2019 жылды Жастар жылы деп жариялауы біз үшін үлкен жаңалық болды деп айта аламын. Бұл дегеніміз осы уақытқа дейін мемлекет тарапынан жастарға көрсетіліп келе жатқан қамқорлықты одан әрі дамытып, тұтастай ұрпақ ісін жан жақты қолдау. Президент тапсырмасынан кейін жастардың барлық санатын қолдауға арналған шараларды жүзеге асыру арқылы үкімет ел болашағы үшін тағы да маңызды қадам жасайды деп сенемін.
Келесі кезекте директордың тәрбие ісі жөніндегі орынбасарыАбдуалиева Б.М «Ұстаз мерейін өсірген жолдау» атты баяндамасын жасады. Ерекше қуантатыны, халықаралық ұстаздар күніне арналған Елбасының екі жақсы бастамасы, ол – біріншіден, жалақы көтеру, бұл енді экономикалық жағынан өте маңызды. Ал екіншісі, меніңше аса ерекше мән беретін тұс — ол 2019 жылдан бастап «Педагогтар мәртебесі» туралы арнайы Заңның қабылданатындығы.Шынымен де, қоғамды алға бағыттап тәрбиелейтін — ұстаздар. Сондықтан біз ұстаздың мәртебесін қоғамда нақтыламай, білім жүйесінде үлкен жетістіктерге жетуге өте қиын болады.Жалпы елдің тұрақтылығы, бірлігі болып жатқан өзгерістер кезінде, экономикалық тұрақсыздық кезінде өте жақсы қоғамға, әсіресе, ұстаздарға, балаға деген ерекше мән беріп, ерекше мейірімділікпен сол проблемаларға қарау, меніңше, біздің қоғамның келесі дамыған сатысында екенін көрсетеді. Сонымен қатар елбасы өз сөзінде: Біз ауылдық жерлердің әлеуметтік ортасын жаңғыртуға кірісуіміз қажет.Бұған арнайы «Ауыл – Ел бесігі» жобасының іске қосылуы септігін тигізеді.«Өз жеріңді танып біл» жаңа бастамасы аясында еліміздің өңірлері бойынша жаппай мектеп туризмін қайта жаңғырту керек»,-деп айтып өтті.Президенттің әр тұжырымы, әрбір тапсырмасы біздің көкейімізден шықты. Бұл Жолдау – Қазақстанды одан әрі гүлдендіре берудің, ел тұрмысын жақсарта түсудің айқын да жарқын ұзақ мерзімді бағдарламасы. Ендігі міндет – Президент алға қойған тапсырмаларды жүзеге асыру.Жиналысқа қатысқан қонақтар мен мектеп ұжымы Мемлекет басшысының биылғы Жолдауына негізгі бағыттарын талқылап, бірауыздан қолдау білдірді.


Директордың тәрбие ісі жөніндегі орынбасары: Абдуалиева Б.М