«Рәміздер-елдігімнің реңі» тақырыбында мектепішілік жиын болып өтті

   4 маусым - Қазақстан Республикасының мемлекеттік рәміздері күні. Мемлекеттік рәміздер - мемлекеттің тәуелсіздігін білдіретін символикалық айырым белгілері. Көгілдір түсті туымыз бен ортасында шаңырақ бейнесіндегі алтын сәулелі күн орныққан елтаңбамыз бүкіл әлемге Қазақстан Республикасы аталатын жаңа тәуелсіз Мемлекет екенін көрсетті. Қазақстан Республикасының Мемлекеттік рәміздер күніне орай 2022 жылдың 4 маусым күні мектеп алаңында жазғы сауықтыру лагері балаларыны «Рәміздер-елдігімнің реңі» тақырыбында бірыңғай Гимн орындап, мектепішілік жиын болып өтті. Жиында мектеп директоры- Н.Т.Мырзаханов барлық білім алушыларды рәміздер күнімен құттықтап, ізгі ниет білдірді. Музыка жетекшісі С.Раймаханованың ұйымдастыруымен ««Елбасымен еңселі, туымен тұғырлы» атты шағын концерт өтті. Концерт барысында «Егемен Қазақстан», «Отан», «Жаса, Қазақстан!» әндері нақышына келтіріліп айтылды. Осы орайда әрбір бала «Қазақстан –менің Отаным, оның мен үшін жауапты, мен де ол үшін жауаптымын» деген сияқты қарапайым ойды бойына сіңіріп өсетіндей болған жөн екенін сезіне білді. Салтанатты жиыннан кейін «Дойбы», «Шахмат», «Асық ату», «Волейбол» үйірме жетекшілері «Мемлекеттік рәміздер еліміздің нышаны» тақырыбында оқушылармен әр түрлі жарыстар ұйымдастырып, «Құлыншақ», «Көгершін», Күншуақ», «Солнышко» топ жетекшілері «Рәміздерім мақтанышым» атты суреттер байқауын өткізді. Байқау барысында оқушылар туған жерге деген сүйіспеншіліктерін, ішкі сезімдерін, қиялдарын қағаз бетіне түсіріп, шығармашылықтарын шыңдай түсті.