«Мемлекеттік рәміздер – ұлт мақтанышы» тақырыбында өткен дөңгелек үстелдің анықтамасы

Қазақстан халқы тәуелсіздігін алып, егемен мемлекетке айналды. Мемлекеттік рәміздер – кез келген мемлекеттің егемендігін бейнелейтін ажырамас ерекше белгі. Қазақстан Республикасының мемлекеттік рәміздері – Мемлекеттік Ту, Елтаңба, Әнұран. 2007 жылдың 4 маусымында «Қазақстан Республикасының мемлекеттік рәміздері туралы» Конституциялық заңы қабылданған.
Тұрар Рысқұлов атындағы №20 жалпы білім беретін мектебінде «Мемлекеттік рәміздердің мәртебесі» атты 9 сыныптармен дөңгелек үстел өтті. Дөңгелек үстелдің мақсаты: Қазақстан Республикасының мемлекеттік рәміздері туралы білімді жалпылау; танымдық қызығушылықты дамыту, мемлекеттік рәміздер бойынша ой-өрісті кеңейту; Қазақстанның мемлекеттік рәміздерін, тарихи өткені мен халықтарының дәстүрлерін сыйлауға үйрету; патриоттық сезіміне және Отанды сүюге тәрбиелеу. Іс-шараның қонақтары мұғалімдер мен «Ойтал» ауылдық округінің әкімдігінің қызметкерлері болды. Директордың тәрбие ісі жөніндегі орынбасары Абдуалиева Бекзат Макеновна мемлекеттік рәміздердің тарихы, авторлары жайында әңгімеледі. Ауыл әкімінің орынбасары Гаухар Оспанбекова дөңгелек үстелге қатысушыларды мерекемен құттықтады және рәміздер мемлекеттің тәуелсіздігінің мықты тіреуі болып табылатынын, әрбір азамат оларды сыйлауға тиіс екендігін еске салды. Келген қонақтар еліміздің соңғы жылдардағы спорттық, саяси және мәдени жетістіктерін талқылады, оларға салтанат көрсеткенде гимн орындалды.
Мемлекеттік рәміздердің мәртебесі туралы оқушылар презентация жасады. «Төбеңнен елдік нұрын тұрған құйып, өмірде ешнәрсе жоқ Тудан биік» ұраны аясында оқушылармен бірлесе отырып Мемлекеттік рәміздерді қастерлеп құрметтеу жолында қандай шараларды ұйымдастыруға болатындығын талқыланып,жарияланды.

Директордың тәрбие ісі жөніндегі орынбасары: Абдуалиева Б.М.