«Оқушылар мен қызметкерлердің қауіпсіздігін қамтамасыз етуге бағытталған бақылау шаралары»

2025 жылдың 10 қыркүйек күні мектептегі қауіпсіздік жүйелерін бақылау бойынша, оқушылар мен қызметкерлердің өмірі мен денсаулығының қауіпсіздігін қамтамасыз ету мақсатында, мектебімізде төмендегі «қауіпсіздік құралдары мен жүйелер» тексерілді:

1. Дабыл түймесі (тревожная кнопка):*

Мектепте төтенше жағдай кезінде (бөгде адамдардың кіруі, қауіп төнуі, т.б.) «жергілікті полиция бөліміне тікелей қосылған дабыл түймесі» орнатылған, жұмыс жасап тұр. Бұл жүйе арқылы жедел әрекет ету қамтамасыз етілген.

2. Турникет жүйесі:

Мектеп кіреберісінде «электронды турникет» орнатылған. Бөгде тұлғалардың мектепке кіруін шектеу, оқушының кіру/шығу уақытын тіркеу, ата-ана мен мұғалімдерге баланың мектепке келу-кетуі туралы ақпарат беріп отырады.

3. Бейнебақылау жүйесі:

Мектеп ішіне және сыртқы аумақтарға «бейнекамералар» орнатылған. Камералар 24/7 режимінде жұмыс істейді. Бейнематериалдар арнайы құрылғыда сақталған, қауіпсіздік қызметі немесе жауапты тұлғалар тарапынан бақылау жасалынады.

4. Интеграцияланған бақылау жүйесі:

Бұл интеграцияланған жүйе «жылдам әрекет етуге», жағдайды нақты бақылауға және қажет болған жағдайда құқық қорғау органдарына дәлел ұсынуға мүмкіндік береді. Барлық камералар, турникет және дабыл түймесі «бір орталықтан басқарылатын бірыңғай қауіпсіздік жүйесіне» қосылған. Бір интеграцияланған бақылау жүйесі жұмыс жасамай тұр, аудандық білім бөліміне іске қосуға жөндеуге сұраныс берілді. Аталған қауіпсіздік шаралары -мектептің ішкі тәртіп ережелеріне сәйкес жүзеге асырылып, оқушылар мен қызметкерлердің қауіпсіз ортада білім алуын қамтамасыз етеді