«Террористік қауіпсіздік» тақырыбында оқу-жаттығу өткізілді

  2024 жылдың 01 сәуір күні сағат 10:00 де төтенше жағдайлардың алдын алу мен мектептің қауіпсіздік қызметін қамтамасыз ету мақсатында "Қазақстан Республикасының білім беру саласындағы қызметті жүзеге асыратын терроризмге қарсы осал объектілерді қорғаудағы нұсқаулықты бекіту туралы" Қазақстан Республикасы Білім және ғылым министірінің 2022 жылғы 30 наурыздағы №117 бұйрығына сәйкес «Террористік қауіпсіздік» тақырыбында оқу-жаттығу өткізілді. Оқу- жаттығу барысында төтенше жағдайлардың алдын алу /өрт, жер сілкінісі немесе техногенді сипаттағы авариялар/ және террористік акт болған кездегі іс-әрекет бойынша түсіндірілді. Жаттығуға 56 мұғалім, 20 кіші қызметкер, 302 оқушы қатысты. Алғашқы әскери дайындық пәнінің мұғалімі Н. Байбулдеков мектеп ұжымы мен оқушыларға өмірге қауіп төндіретін күдікті зат анықталған жағдайда іс-әрекет жасау алгоритмімен таныстырды. Сонымен бірге өрт, жер сілкінісі немесе техногенді сипаттағы авариялар кезіндегі жедел әрекет етіп, оқу-ғимаратынан тез арада шығу керектігін және өмір қауіпсіздік ережелерімен, ланкестік қаупі кезінде мектептегі эвакуация жолдарымен жүру керектігі айтылып, жасалды. Эвакуация жасау тәжірибе түрінде көрсетілді. Сонымен қатар күдікті зат табылған кездегі, телефон арқылы лаңкестік қаупі төнген кезде, жарылыс қаупі туралы хабар алған кезде, лаңкестік қаупі жазба түрде түскен кезде, лаңкестер кепілге алған жағдайдағы іс-әрекеттері туралы түсіндіру жұмыстары жүргізілді.
Бейнежазба: https://www.instagram.com/reel/C5QLigcszGr/?utm_source=ig_web_copy_link&igsh=MzRlODBiNWFlZA==