«Жүрекжарды жырлар үшін мың алғыс» атты мектеп түлектерімен кездесу

   Ағымдағы жылдың 21 сәуір күні мектебімізде «2022- Балалар жылы» мерекесіне орай «Жүрекжарды жырлар үшін мың алғыс» атты мектеп түлектерімен кездесу өтті. Кездесуге ауданымыздың танымал әншісі- Байділда Ерсін Серікұлы, №2 балалар музыка мектебінің домбыра сыныбының жетекшісі- Аманқос Амантай Жұлдызбайұлы және мектебіміздің педагогы- Раймаханова Сандуғаш Мұратқызы және 10 сынып оқушылары мен ұстаздар қауымы қатысты. Кездесу өте әсерлі болды. Онда Ерсін Байділда отбасының жетістігі биылғы жылы КТК теледидар арнасындағы «Озат отбасы-2022» байқауының «Бас жүлде» иегері атанғанын айтып, жастармен бөлісіп, мектептегі қызық оқиғаларын баяндады. Сонымен қатар «Бара алмадым қасыңа, бара алмадым» әнін, Аманқос Амантай жастардың сұрақтарына жауап бере отырып, мектептегі ұстаздарына алғыс ретінде «Ұстазым» әнін тарту етті және күмбірлеткен қос ішекті домбырамен «Ауылға сағыныш» әнін тамылжыта орындады. Мектебіміздің дарынды оқушысы- Пернебай Бекарыс пен Раймаханова Сандуғаштың да «Бір болайық» әні көпшіліктің көңілінен шықты. Келген қонақтарға өнерлі оқушыларымыз әсем әндерін тарту етіп, мектеп әкімшілігі мен ұстаздар ризашылық білдірді. Кездесу соңында келген мектеп түлектеріне сый-сыяпат беріліп, директордың тәрбие ісі жөніндегі орынбасары- Бекзат Абдуалиева ыстық ықыласы мен лебізін білдірді.
Бейнежазба: https://www.instagram.com/p/Ccrh_-bq2p3/?utm_source=ig_web_copy_link