«Адам капиталын дамыту факторындағы тәрбие ролі!» тақырыбындағы салтанатты жиынның анықтамасы

Тұрар Рысқұлов атындағы №20 жалпы білім беретін мектебінде 1 қыркүйек Білім күніне арналған мерекелік алғашқы қоңырау сағ 9.00-де басталды. Мерекені мектеп мұғалімдері- Исаева Н мен Абилхаирова А жүргізді. Алаңға алдымен мектеп табалдырығын алғаш рет аттап отырған 1 сынып оқушылары мен сынып жетекшілерін салтанатты түрде қарсы алдық.
Салтанатты мерекеге ауданымыздың құрметті қонақтары- Ойтал ауылдық округінің әкімі жанындағы аппарат жетекшісі – Көшербаев М.Д, АББ кадр меңгерушісі – Құралай Қуатқызы қатысты. Салтанатты жиында алғашқы құттықтау сөз мектеп директоры-Жақсылықова Ғ.Х, келген қонақтарға берілді. Олар өз сөзінде оқушылар мен ата- аналарды Білім күнімен құттықтап, жас бүлдіршіндерге Елбасымыз Н.Ә.Назарбаевтың «Өз Отанының патриоты болу- бұл Қазақстанды өз жүрегінде ұстау!» сөзімен жігерлендірді. Елбасының биылғы жолдауындағы басымдық берілген міндеттердің бірі-адами капитал болып отыр.Адами капиталдың жаңа сапасы бүгінгі күнгі өзекті мәселе екені даусыз. «Өзінің тарихын, тілін, мәдениетін білетін, сондай-ақ заманына лайық шет тілдерін меңгерген озық әрі жаһандық көзқарасы бар қазақстандағы біздің қоғамымыздың идеалына айналуға тиіс деп көрсетілген. Кез-келген қоғамда жастардың бет түзейтін идеалы болуы болашақ үшін маңызды десек, Елбасы жолдауында қандай адам мемлекеттің құнды капиталы бола алатынын нақты көрсетіп бергендей алғашқы білім беру сабақтары 1-4 сыныптар үшін «Рухани жаңғыру: Мен- елімнің ертеңімін!», 5-6 сыныптар: «Рухани жаңғыру-қазақстандық патриотизмнің негізі», 7-8 сыныптарда: «Рухани жаңғыру туған жер тұтастығы мен ел болашағы», 9-11 сыныптарда: «Рухани жаңғыру- заманауи тұлғаның дамуының кепілі» тақырыптарында жүйелі сабақтар болды. Барлық сыныптар безендірілген, тәрбие сағаттары жоғары дәрежеде өтілді.






Биылғы оқу жылында мектеп партасына 1080 оқушы отырды. Сонымен қатар жағдайы төмен отбасынан келген оқушыларға қолдау көрсеткен демеушілерге рахмет айтылды. «Мектепке жол» акциясына байланысты мектептегі құрылған қамқорлық кеңесінің жұмысы туралы айтылып өтті. Мектептегі жетім және жартылай жетім, жағдайы төмен отбасынан келетін - 33 оқушыға 495000теңгеге мектеп формасы сатып алып берілді. Осы акция аясында мектеп мұғалімдері мен ата- аналар тарапынан аз қамтылған отбасынан шыққан балаларға мектеп сумкасы, оқу құралдары берілді. Барлық оқушылар мектеп формасын киді.


Директордың тәрбие ісі жөніндегі орынбасары: Абдуалиева Б.М.