"Халықаралық PISA негізгі зерттеуі: дайындық жұмыстары мен зерттеу тапсырмаларының ерекшеліктері"

  Ағымдағы жылдың 30-қараша күні Тұрар Рысқұлов атындағы №20 жалпы орта білім беретін мектебінде "Халықаралық PISA негізгі зерттеуі: дайындық жұмыстары мен зерттеу тапсырмаларының ерекшеліктері" тақырыбында аудандық семинар өткізілді. Семинар барысында география пәні мұғалімдері Ж.К.Токушбекова 9 "Г" сыныбымен "Виды внутренних вод Казахстана" тақырыбында, К.У. Омаров 10 "А" сыныбымен "Геоэкологиядағы антропогендік факторлар" тақырыбында түрлі белсенді әдіс-тәсілдер мен электронды бағдарламаларын қолдану арқылы ашық сабақтар көрсетті. Сонымен қатар география пәні мұғалімі А.М. Исакова "Халықаралық зерттеулер: PISA тапсырмалары негізінде оқушылардың функционалдық сауаттылықтарын арттыру жолдары" тақырыбында коучинг жүргізді. Коучинг барысында семинар қатысушылары PISA тапсырмаларын талдап, функционалдық сауаттылықты арттыруға бағытталған тапсырмалар құрастырды. Ал география пәні мұғалімі Г.А. Азильханова "PISA халықаралық зерттеулер: ерекшелігі мен өзектілігі" тақырыбында көрсеткен шебер-сыныбы барысында PISA халықаралық зерттеулеріне талдау жасап, түрлі білім беру порталындағы онлайн-тренажермен жұмыс істеу ерекшелігімен бөлісті. Семинар соңында Меркі ауданы білім бөлімінің оқу-әдістемелік кабинетінің әдіскері С.Т. Бопиева көрсетілген іс-шараларды талдай келе, өз тәжірибесімен бөліскен пән мұғалімдеріне сертификаттар табыстап, семинарды қорытындылады.
Бейнежазба: https://www.instagram.com/reel/CllvD3vgYi6/?utm_source=ig_web_copy_link