PISA халықаралық зерттеуінің сынама тесттері алынды

   Тұрар Рысқұлов атындағы № 20 жалпы орта білім беретін мектебінде 31 наурыз күні 15-жастағы білімгерлердің мектепте алған академиялық білімі мен дағдыларын түрлі өмірлік жағдайлар мен тиімді әлеуметтенуде қолдану қабілетін анықтауға бағытталған PISA халықаралық зерттеуінің сынама тесттері алынды. Сынама тестіне 2006 жылы туылған 90 оқушы қатысты.

PISA зерттеуі- үш жылдық мерзіммен өткізілетін білім беру ұйымдарында 15 жастағы білім алушылардың математикадан сауаттылығын бағалау. Оқушылардың білім жетістіктерін зерттеу негізгі үш бағыт бойынша жүзеге асырылады: математикалық сауаттылық, жаратылыстану сауаттылығы, оқу сауаттылығы. PISA зерттеуінде ойлау, дәйектеу, мәселені қою және шешу, модельдеу, нәтижелерді ұсынудың түрлі әдістерін пайдалану секілді қабілеттер бағаланады. Осылайша, халықаралық емтиханға қатысушылардың оқу біліктілігі әрекетінің үш оқу-танымдық түрі анықталады - жаңғырту, қолдану және пайымдау.