Қалыптастырушы бағалау - бағалаудың тиімді тәсілі

2022 жылдың 25 наурыз күні қазақ тілі мен әдебиеті пәні әдістемелік бірлестігінің IV отырысы болып өтті. Күн тәртібінде 13 мәселе қаралды. Пән мұғалімі Шахшанбаева Қ. "Қалыптастырушы бағалау - бағалаудың тиімді тәсілі" тақырыбында, пән мұғалімі Аманбаева С. "Тыңдалым дағдысын қалыптастыратын белсенді әдістер" тақырыбында тәжірибе алаңына шығып, ой бөлісті. ӘБ жетекшісі Бейсебаева Ф. III тоқсанның білім сапасын талқылады. 9-11-сынып бітірушілерін қорытынды аттестаттауға және 11- сынып бітірушілерін UNT-ге дайындық барысымен, 9-сынып білім алушыларының ББЖМ дайындық жұмысын саралау бойынша пән мұғалімдері сөз алды. Келесі мәселеде өткен оқу жылдарындағы білімдегі олқылықтардың орнын толықтыру және жаңа оқу жылына арналған оқу бағдарламасындағы оқу мақсаттарының меңгерілуін қамтамасыз ету бойынша мақсатты жұмыс жоспарлары қаралды, 6-7- сыныптарда "Өлкетану" материалдарының оқытылу жағдайы сарапталды. Білім алушылардың PISA,TIMSS халықаралық зерттеу жұмысына дайындығының есебі тыңдалды. Сондай-ақ, "LESSON STUDY" зерттеу сабағы, 5-7-10-11- сыныптарда курс бағдарламаларының орындалуы, түрлі интеллектуалдық байқауларға, қашықтық олимпиадаларға қатысу мониторингісі, мемлекеттік тіл мәртебесін көтеру мақсатында өзге ұлт өкілдері үшін өтетін дәстүрлі байқауларға қатысу мониторингісі күн тәртібінде өзекті мәселе ретінде қаралып, мақсатты іс-шараларды жоспарға сай жүргізуге бірлестіктің шешімімен ұсыныстар берілді. Қазақ тілі мен әдебиеті пәні ӘБЖ: Бейсебаева Ф.И.