“Сынып жетекшісі - тәрбие жүйесінің негізгі ұйытқысы” тақырыбында сынып жетекшілер семинары өтті

  Ағымдағы жылдың 14 мамыр күні “Сынып жетекшісі - тәрбие жүйесінің негізгі ұйытқысы” тақырыбында сынып жетекшілер семинары өтті. Семинарды директордың тәрбие ісі жөніндегі орынбасары- Б.Абдуалиева жүргізіп, сынып жетекшілермен бірге тәрбие жұмысындағы кейбір проблемаларды шешу жолдарын қарастыру арқылы сынып жетекшілерге бағыт -бағдар берді. Алғашқы сөзді мектеп директоры- Н.Мырзаханов алып, қазіргі таңдағы бала қауіпсіздігі туралы тоқталып, оқу жылының аяқталуы туралы, оқушылардың оқулықтарын тапсыру, жазғы сауықтыру лагерінің жұмысы және жазғы мезгілдегі «Бала қауіпсіздігі» мәселелеріне тоқталды. Директордың құқықтық тәрбие ісі жөніндегі орынбасары- А.Онланбекова және мектеп инспекторы- Т.Мұхтар жасөспірімдер арасында құқық бұзушылықтың алдын алу шараларын орындау мақсатында атқарылатын іс-шараның қоғам үшін, ата-аналар мен білім алушы жасөспірімдер үшін маңызды екендігін айтты. Семинар соңында сынып жетекшілерге “Ата-аналар жиналысын сәтті өткізудің 10 құпиясы” таратылып, тәжірибелі сынып жетекшілер ақыл-кеңестерін ортаға салды.