«Отбасы-тәрбиенің ұясы» тақырыбында кездесу өтті

  2023 жылдың 6 ақпан күні Тұрар Рысқұлов атындағы №20 жалпы орта білім беретін мектебінде ата-аналармен «Отбасы-тәрбиенің ұясы» тақырыбында кездесу өтті. Кездесуге «Ойтал» ауылдық округінің «Ақсақалдар алқасының» төрағасы- Ибаков Ашир Алмабайұлы, Меркі аудандық полиция бөлімінің инспекторы, полиция капитаны- Оспанбеков Ерболат Ашимбекұлы, ата-аналар ұйымының төрайымы- Сұлтанбекова Айнұр Амантайқызы және мектеп әкімшілігі мен ата-аналар қатысты. Кездесуде мектеп директоры- Н.Т.Мырзаханов кездесуді ашып, отбасы мен мектеп арасындағы байланыс туралы ой қозғады. Директордың оқу ісі жөніндегі орынбасары- З.Ш.Лескенова, директордың тәрбие ісі жөніндегі орынбасары- Б.М:Абдуалиева білім алушылардың оқу және тәрбие саласындағы жетістіктерімен бөлісті. Кездесудің тақырыбына сай бейнебаяндар көрсетіліп, ата-аналар өз ойларын ортаға салып, бүгінгі таңдағы бала мәселесін талқылады. Мектеп инспекторы қазіргі таңдағы жасөспірімдер арасында белең алып тұрған буллинг, кибербуллинг мәселелерінің алдын алу шаралары, зиянды әдеттерден аулақ болуына тәрбиелеу мәселелеріне тоқталды. Сонымен қатар мектеп психологтары тарапынан тренингтер мен жаттығулар ұйымдастырылды. Қазақ зиялыларының бірі М.Жұмабаевтың: «Тәрбиедегі мақсат баланы тәрбиешінің дәл өзіндей етіп шығару емес, келешек өз заманына лайық қылып шығару» деп айтуы бала тәрбиесіндегі ата-ана, мектеп, қоғам алдында үлкен жауапкершіліктің тұрғандығын дәлелдейді.
Бейнежазба: https://www.instagram.com/reel/CoWKO_-I_C0/?utm_source=ig_web_copy_link