“Мен үздікпін” зияткерлік сайысы өткізілді.

  Жылдық жоспарға сәйкес дарынды білім алушыларға қолдау көрсету мақсатында ағымдағы жылдың 22 ақпан күні Тұрар Рысқұлов атындағы #20 жалпы орта білім беретін мектебінің бастауыш 2-3 сыныптар арасында дарынды білім алушылармен “Мен үздікпін” зияткерлік сайысы өткізілді. Сайыс “Дода”, “Тұлғаны тани біл”, “Сандар сыры”, “Мен зерттеушімін” бөлімлерінен тұрды. “Дода” бөлімінде әр топ барабанда берілген сұрақтарға жауар беру арқылы ұпай сандарын жинап отырды. Әр дұрыс жауапқа 10 ұпайдан берілді. “Тұлғаны тани біл” бөлімінде “Сократив” платформасы арқылы суреттегі әйгілі тұлғалар туралы не білетіндіктерін тапсырмада орындады. “Сандар сыры” бөлімінде берілген сандарға сәйкес келетін мереке атауларын тапты. Бұл бөлімде де әр дұрыс жауапқа 10 ұпайдан беріліп отырды. Соңғы  “Мен зерттеушімін” бөлімінде әр топқа әр түрлі зерттеу жұмыстары берілді. 1-топ берілген заттардың қалай өзара әрекеттесетінін зерттесе,  ал 2- топ ауаның жануды қолдайтын қасиетін анықтау үшін тәжірибе жасады. 3 - топ атмосфералық қысымның бар - жоқтығын дәлелдеу үшін тәжірибе жасады. Сайыс соңында әділ- қазы алқалары ұпай сандарын санап, директордың оқу - ісі жөніндегі орынбасары Утегенова К. И. балаларды мақтау қағаздарымен марапаттады. Сайыс қорытындысы бойынша “Жігер” тобы 1- орын, “Жалын” тобы 2- орын және “Сұңқар” тобы 3-орын иеленді.