Қазақ тілі мен әдебиеті әдістемелік бірлестігінің ІІІ отырысы болып өтті.

  Мектебімізде 2024 жылдың 04 қаңтар күні қазақ тілі мен әдебиеті әдістемелік бірлестігінің ІІІ отырысы болып өтті. Күн тәртібінде 7 мәселе қаралды. Пән мұғалімдері Амреева А., Мамыткеримова Э. «Lesson Study жүргізу жолдары және күтілетін нәтижелер», «Қазақ тілі мен әдебиеті сабағында қолданылатын жаңа контенттер» тақырыптарында әріптестері арасында өз іс-тәжірибелерімен бөлісті.Келесі 2-мәселе бойынша ӘБЖ Бейсебаева Ф.И. ІІ тоқсан бойынша 5-11-сыныптардағы қазақ тілі мен әдебиеті пәнінің білім сапасы мен үлгерімінің қорытындысы, БЖБ, ТЖБ, диктант, эссе, мазмұндама, шығарма жұмыстарының орындалу қорытындысына тоқталды.
3-мәселеде пән мұғалімдері Бейсебаева Ф., Амреева А., Мамыткеримова Э. ІІ тоқсан бойынша 11-сынып бітірушілерін ана тілі мен әдебиетінен қорытынды аттестаттауға дайындық барысының есебін талқылады. ІІ тоқсан бойынша 9-сынып бітірушілерін ана тілі мен әдебиетінен қорытынды аттестаттауға және 9-сынып білім алушыларының ББЖМ дайындық барысының есебін пән мұғалімдері Демесінова С., Аманбаева С., Мамраимова Д., Карибаева Г.,Мамраимова Д. нақты деректермен келтірді. Күн тәртібінің 4,5,6,7-мәселелерінде 5,10-сыныптардың оқытылу жағдайының қорытындысы, үлгерімі төмен оқушылармен жұмыс қорытындысы, қазақ тілі мен әдебиеті пәнінен республикалық пәндер олимпиадасының І мектепшілік, ІІ аудандық кезеңінің қорытындысы, дәстүрлі байқаулардың қорытындысы тыңдалды. Күн тәртібіндегі өзекті мәселелерді қорыта келе, ӘБЖ Бейсебаева Ф.И. алдағы уақыттарда жұмысты жетілдіру және жандандыру мақсатында жоспарлы іс-шараларды сапалы өткізуге ұсыныстар беріп өтті.