“Әділетті Қазақстан: құқық тәртібі, экономикалық өрлеу,қоғамдық оптимизм”

Ағымдағы жылдың 4 қыркүйек күні мектебімізде Қасым Жомарт Тоқаевтың “Әділетті Қазақстан: құқық тәртібі, экономикалық өрлеу,қоғамдық оптимизм” атты Қазақстан халқына арналған Жолдауын тыңдап, насихаттау жұмысы жүргізілді. Директордың тәрбие ісі жөніндегі орынбасары- Б. Абдуалиева педұжымға жаңа жолдау туралы айтып, таныстырды. Жолдауда әлеуметтік салаға, әсіресе балаларлы қорғау ісіне айрықша көңіл бөлінгені қуантады. Ұлттық қордан балалардың есепшотына қаржы аударуға қатысты Заңның қабылданғаны, балалардың қауіпсіздігін қамтамасыз етуге, әйелдер мен балаларға қатысты қылмыстың алдын алуға заңның қабылданғаны жайында түсіндірілді. Адамдардың бойында жаңа әдеттер, дағдылар қалыптасып, жаңа құндылықтар орнығуда. Саяси және қоғамдық болмысымыз, менталитетіміз және мәдени кодымыз өзгере бастады. Мемлекет басшысы: Еліміздің өзіне тән ерекшелігін және ұзақ мерзімге арналған ұлттық мүдделерімізді ескере отырып, тек алға қарай жүруіміз қажет-деді. Болашақты ойлауымыз қажет. Сондықтан атом электр станциасын салуға қатысты барынша байыпты шешім қабылдау қажеттігін ескертті. Референдум тақырыбы бір жыл бойы елдің талқысында болды. Енді атом электр станциасын салу мәселесіне қатысты жалпы ұлттық Референдум биылғы жылдың 6 қазанда өтеді деп ескертті. Жасанды интелектіні кеңінен қолданатын және цифрлық технологияларды дамытып жатқан елге айналуға тиіс,-деген тапсырма берілді. Сонымен қатар мемлекет басшысы 2025 жылды “Жұмысшы мамандықтары” жылы деп жариялады. Жайлы мектеп жобасы жайында тоқталып өтті. Ұстаздарға жоғары баға беруде, бұл да қуантарлық жағдай. Әр адамға және баршаға бірдей мүмкіндік беретін мемлекетті, яғни, Әділетті Қазақстанды болашақ ұрпаққа аманат ету-баршамызға ортақ міндет ....