23
сентябрь
2022
Бәрін таста да, кітап оқуды баста!
Ағымдағы жылдың қыркүйек айынан бастап мектебімізде білім алушыларды кітап оқуға қызықтыру, сауаттылығы мен оқу мәдениетін қолдау мақсатында «Оқуға құштар мектеп» жобасы аясында «Бәрін таста да, кітап оқуды баста!» үзілісте кітап оқу шарасы үнемі жалғасын тауып келе жатыр. Оқушылармен бірге үзілісте кітапханада, сыныпта кітап оқу - бүгінгі таңда дәстүрге айналуда. Адами қасиеттердің ішіндегі ең күрделісі және ұлысы – кітап: ол адамзаттың рухани байлығының әлемі. Халқымыз өнер мен білімді қадірлеген. Бүгінгі таңда барлық адамзат алдында тұрған басты мақсат-білімді ұрпақ тәрбиелеу. Ал, ұрпақ білімді қайдан алады? Әрине, кітаптан. Кітап – рухани қазына, байлық, өмір айнасы, замана сыры, тарих шежіресі, оқу тәрбие құралы. Ата-бабамыз кітапты ерекше ақылшы ұстаз санаған. «Кітап білім-бұлағы, білім-өмір шырағы» деген қанатты сөз қалдырған. «Кітап – өмір ұстазы. Сондықтан жастар кітап оқуды күнделікті әдет қылуы тиіс. Кітап оқымай өмірді білу мүмкін емес. Қазақстан Республикасының Президенті Қасым-Жомарт Тоқаев өз сөзінде кітап оқу арқылы әлемге деген қызығушылық мектеп қабырғасынан қалыптасуы тиіс екенін айрықша атап айтқаны баршаға белгілі. Сондықтан “Оқуға құштар мектеп” жобасы аясында оқушылардың оқу сауаттылығын арттыру мақсатында мектебімізде мектеп кітапханашылары мен директордың тәрбие ісі жөніндегі орынбасары- Б. Абдуалиеваның ұйымдастырумен «Бәрін таста да, кітап оқып баста!» атты тақырыпта кітап оқу шарасы ұйымдастырылды. Шара барысында оқушылардың өз еркімен оқитын шығармалары туралы өз ойларын ортаға салып, белсене қатысып отырады.
