Ұстаздарға мың алғыс» тақырыбында ұстаздар күніне орай ардагер ұстаздармен кездесу

  Ағымдағы жылдың 29 қыркүйек күні мектебімізде өзгенің уақытын аялай, өз уақытын аямай шәкірт тәрбиелеу ісінде талмай еңбек еткен ұстаздарымыздың қажырлы еңбектерін, жемісті жетістіктерін жас буын өкілдеріне насихаттау мақсатында «Ұстаздарға мың алғыс» тақырыбында ұстаздар күніне орай ардагер ұстаздармен кездесу ұйымдастырылды. Шараға ардагер ұстаздарымыз Абаева Зауре, Рай Ырзакүл, Бейсенбаева Ғалия және мектеп директоры- Н.Мырзаханов, ұстаздар мен білім алушылар қатысты.Шара барысында ұстаздарға арналған ән-жырлар көпшіліктің көңілінен шығып, келген қонақтарымыз: «Ұстаз әр адамның жанына білім дәнінен сеуіп, әр шәкіртін аялап, өмір атты шексіз ғаламға топшысын қатайтып ұшырады. Дәлірек айтсақ, адамды өмір сүре білуге тәрбиелейді. Сол үшін бойындағы асыл қасиеттерін шәкірттеріне сіңіріп, тер төгеді», - деп осындай игілікті шараны ұйымдастырып отырған мектеп ұжымына, білім алушыларға шексіз алғыстарын білдірді. Кездесу соңында келген қонақтарға мектеп ұжымы атынан гүл шоқтары табыс етіліп, естелікке суретке түсті.