«Қамқорлық» қайырымдылық акциясы

2018-2019 оқу жылының 10 қаңтар – 10 ақпан аралығында Тұрар Рысқұлов атындағы №20 жалпы білім беретін мектебінде «Қамқорлық» қайырымдылық акциясы өтті. Бұл акцияның мақсаты – әлеуметтік көмек алуға құқығы бар аз қамтылған, көпбалалы, тұрмысы қолайсыз отбасылардың балаларына, жетім балалар мен ата-анасының қамқорлығынсыз қалған балаларға және басқа санаттағы балаларға әлеуметтік көмек көрсету, оқумен қамтылған мектеп жасындағы балаларды анықтау және есепке алу, сондай-ақ әлеуметтік себептер (киімдерінің, аяқ киімдерінің, мектеп құралдарының жоқтығы) бойынша балалардың мектепке бармауын алдын алу. Акция барысында айлық жұмыс жоспары құрылып, мектеп директорының бұйрығымен бекітілді. Жоспар негізінде бекітілген мөлтекаудан бойынша 0-18 жас аралығындағы балалар тізімі анықталды. Рейдтік іс-шаралар ұйымдастырылып, тұрмысы қолайсыз отбасылардың үйлері араланды.
Бір ай бойы ұйымдастырылған шараның басты мақсаты – тұрмысы төмен отбасы балаларын киім-кешекпен қамтамасыз ету. Ұстаздар қауымы қайырымдылық қорын жасақтауға бір кісідей ат салысты.
Қаңтар айында 6-10 сынып оқушыларының қатысуымен «Қайырымдылық» жәрмеңкесі болды. Жәрмеңкеге мектеп оқушылары және мұғалімдер белсене қатысты.

Акция барысында «Мейірімділік – асыл қасиет» атты қайырымдылық концерті өткізілді. Концертке Ойтал ауылдық округінің бас маманы ата-аналар, мектеп директоры, ұстаздар және оқушылар көрермен болды.


Шара соңында мектеп директоры акцияның өтуіне ат салысқан демеушілерге, ұстаздар қауымына алғысын айтты. Қайырымдылық нұрын сезінген 30 оқушының келбетінен ұстаздарға деген шексіз алғыс пен әсерлі сезімнің табы сезіліп тұрды.