"Нұр себеле, Ұлыстың ұлы күні" атты мерекелік кеш өтті

  Ұлыстың ұлы күні Наурыз мейрамы - достық, еңбек, бейбітшілік мерекесі. Жүректер жылуын таратқан көктемнің бақыт сыйы-Наурыз көп ұлтты еліміздің бірлесе тойлайтын Достық мерекесі. Ұлттық дәстүріміз бойынша өтетін Наурыз мерекесінің ерекшелігін, табиғат пен адамның байланысын, салт-дәстүрін, өз ұлтына деген сүйіспеншілігін арттыру. Қазақтың әдет-ғұрпын, тіліміз бен дінімізді құрметтеуге, имандылыққа тәрбиелеу мақсатында ағымдағы жылдың 15 наурыз күні Тұрар Рысқұлов атындағы №20 жалпы орта білім беретін мектебінде 5-10 білім алушыларымен “ Әдеп пен ғұрып” жобасы аясында "Нұр себеле, Ұлыстың ұлы күні" атты мерекелік кеш өтті. Мереке кезінде ән-шашулар мен қазақтың «Тұсау кесері», «Қыз ұзату» салт-дәстүрін қойып, мектеп директоры- Н.Мырзаханов білім алушыларды мерекемен құттықтап, ақ батасын берді.