Тұрар Рысқұлов атындағы №20 жалпы орта білім беретін мектебінде 2021 жылдың 3 қыркүйек күні Мемлекет басшысы Қасым-Жомарт Тоқаевтың Қазақстан халқына кезекті Жолдауын педагогикалық ұжыммен талдады.

Тұрар Рысқұлов атындағы №20 жалпы орта білім беретін мектебінде 2021 жылдың 3 қыркүйек күні Мемлекет басшысы Қасым-Жомарт Тоқаевтың Қазақстан халқына кезекті Жолдауын педагогикалық ұжыммен талдады. Онда елдің әлеуметтік-экономикалық дамуына қатысты бірқатар маңызды мәселелерді қозғады. Жаңа Жолдауда білім-ғылым саласы бойынша да көптеген өзекті мәселелер көтерілгені туралы мектеп директоры- Н.Т.Мырзаханов айтып өтті. Білім саласына қатысты сөйлеген сөзінде Президент «Біз ұстаздарды қолдау саясатын жалғастыра береміз», – деді. 2020 жылдан бастап 600 мыңнан астам педагог пен дәрігердің, әлеуметтік сала қызметкерлерінің жалақысы өскенін айтып, бюджеттен қаржыланатын өзге сала азаматтары одан тыс қалғанын ерекше атап өтті. Елімізде білім саласына, оның ішінде 2020 жылдан бастап мұғалімдердің жалақысын өсіруге бюджеттен жыл сайын қаржы бөлініп келе жатыр. Тағы бір ерекше атап өтетін жағдай – педагогтардың біліктілігін арттыруға байланысты. Бұл өзекті мәселе. “Педагог мәртебесі туралы” заң жобасы талқыланған кезде ұстаздар мен Салалық кәсіподақ біліктілікті арттырудың мерзімін қысқарту туралы мәселе көтерген болатын. Енді, міне, Президент Жолдауында осыған назар аударылып, ұстаздардың біліктілігін арттыруды бес жылда емес, 3 жылда бір рет ақысыз негізде қолға алуды жүктеді. Білікті ұстаз білімді ұрпақ тәрбиелейтінін ескерсек, бұл бастама да заман талабына сай жасалған игі қадамдардың бірі дер едім. Жолдау жүктеген міндеттер жүйелі жүзеге асып, әлеуметтің әлеуетін арттыру жолындағы жақсы бастамалар жалғасын таба берсін.