"Мемлекет және дін" тақырыбында 9-10-11 сынып оқушыларымен кездесу өткізілді

  Ағымдаға жалдың 02 сәуір күні дін саласындағы ақпараттық-ағарту жұмыстарын жүзеге асыруға бағытталған 2024 жылға арналған іс-шаралар жоспарына сәйкес, діни экстремизм және терроризмнің алдын алу мақсатында "Мемлекет және дін" тақырыбында 9-10-11 сынып оқушыларымен кездесу өткізілді. Кездесуге дін саласындағы аудандық ақпараттық түсіндіру тобының мүшелері дәріскер ретінде аудан теологы Мамбетов Ақтөре Сағыналыұлы, аудандық білім бөлімінің дін саласына жауапты әдіскері Раптаева Сауле Мұратбекқызы, аудандық ардагерлер төрағасы Жылысбаев Байсеит Сабырұлы қатысып, экстремизм мен терроризмнің алдын алу, сондай-ақ жұмыстың негізгі бағыттары мемлекеттік саясаттың басым бағыттарының бірі екенін айта келіп, білім алушыларды Қазақстан Республикасының «Терроризм мен экстремизм көріністерінің алдын алу және тыю жөніндегі шаралар туралы» және «Экстремизмге қарсы іс-қимыл туралы» Қазақстан Республикасының заңдарымен таныстырды. Сонымен қатар оқушыларға лаңкестік әрекеттерге шақыратын аудио, бейне, мәтіндік материалдарды ғаламтор-ресурстарында жариялаудың, экстремистік мазмұндағы ақпараттарды әлеуметтік желілерде таратудың жауапкершіліктері туралы түсіндірілді.