«Баланың бас ұстазы – ата-ана. Позитивті ата-ана болу: тыңдау, есту, өзін естірте білу»

  «Баланың бас ұстазы – ата-ана. Позитивті ата-ана болу: тыңдау, есту, өзін естірте білу»
Ағымдағы жылдың 27 қазан күні Тұрар Рысқұлов атындағы жалпы орта білім беретін мектебінде «Баланың бас ұстазы – ата-ана. Позитивті ата-ана болу: тыңдау, есту, өзін естірте білу» тақырыбында оң тәрбиенің мәнін, принциптерін және дағдыларын дамыту арқылы ата-аналардың педагогикалық мәдениетін қалыптастыру мақсатында мектеп психологы- А.Назаралиеваның, қазақ тілі пәні мұғалімі- А.Амрееваның ұйымдастыруымен ата-аналар ұжымына семинар- тренинг өтті. Сабақ барысында ата-ана мен бала арасындағы қарым-қатынас барысына психологиялық қолдау көрсету болды. Семинар барысында ата-ана бойындағы ұлттық құндылықтар мен жеке қасиеттерді дамыту: ата-ананың борышы, сүйіспеншілік, жеке тұлғаға деген құрметі, сенімі, қамқорлығы, ашықтығы, адалдық, мейірімділік, қайырымдылық, оптимизм, позитивті ойлау, эмоционалдық интеллект, ынтымақтастыққа дайын болуы туралы ой қозғалды. Ата-аналарды позитивті ата-ана болу құзыреттерін игеруге ынталандыру, позитивті ата-ана болудың мәнімен, қағидаттарымен, әдістерімен танысты. Мектеп ұстаздары ата-аналарға позитивті ата-ана болу дағдыларын игеруге бағыт-бағдар бере отырып көмектесті.
«Бала тәрбиесі басты байлығың, кешіксең көретінің қайғы-мұң» деп дана Абай айтқандай, бала тәрбиелеуде кешікпейік дегім келеді. Бала - жаратушының сыйы, ата-ананың қуанышы, мектеп өмірінің - сәні!
Ендеше, ата-аналар қолымыздағы алтынымызды жақсылап тәрбиелейік және біздер оларға үлгі болар бейне екенімізді ұмытпайық.
Бейнежазба: https://www.instagram.com/reel/Cy96L3YIqLa/?utm_source=ig_web_copy_link&igshid=NTYzOWQzNmJjMA==