«Бірлік пен бейбітшілік рәміздері» атты спорттық эстафетасы ұйымдастырылды

  Ағымдағы жылдың 10 наурыз күні «Мемлекеттік рәміздер-еліміздің нышаны» апталығы аясында мектебіміздің 3-4 сыныптарының білім алушыларымен «Бірлік пен бейбітшілік рәміздері» атты спорттық эстафетасы ұйымдастырылды. Сайыс бірнеше бөлімнен тұрды. Арқан тарту мен ептілікті байқайтын жылдамдыққа жүгіру, допты алып мәреге бірінші жету сынды талаптар қойылды. Сайысқа білім алушылар өздерінің жақсы дайындықпен келгендерін көрсетті. Қазылар алқасының шешімімен І орын- "Жастар тобы", ІІ орын- "Тұлпар тобы, «Қыран» тобы", ІІІ орын- "Болашақ" және "Сұңқар" тобына бұйырды.
Жарыс соңында қазылар алқасының мүшелері құттықтау сөз сөйлеп, барлық қатысушыларды салауатты өмір салтын ұстануға шақырды. Спорттық шара жоғары деңгейде өткізіліп, жеңімпаздарға дипломдар табысталды.