Қазақстан – қазақ халқының ата-баба мекені, ежелгі қонысы.

Қазақстан – қазақ халқының ата-баба мекені, ежелгі қонысы. Еліміз өлшеусіз табиғат байлығымен ғана емес, ең алдымен сан түрлі ұлттардан құралған халқымен ерекше екенін ұмытпағанымыз абзал. Бүгінгі бейбіт те шуақты күндерді бағалай отырып, жаңа биіктерде ұмтылу – біздің буынның бағыты болуы тиіс. Еліміздің тыныштығы мен қауіпсізідігі, көп ұлтты Қазақстан халқының жарастығы мен ынтымақтастығы президентіміздің жүргізіп отырған парасатты көреген саясатының нәтижесі. Қазақ елінің жүріп өткен жолдарын, тәуелсіздік туы желбіреген жылдар ішіндегі жеткен жетістіктерін айта отырып, оны мәңгі есте сақтау керектігін түсіндіру, оқушыларды патриоттыққа тәрбиелеу мақсатында 2021 жылдың 5 қазан күні Тұрар Рысқұлов атындағы №20 жалпы орта білім беретін мектебінің 3-11 сыныптары арасында «Мақтанышым- Тәуелсіз Қазақстан» атты тәрбие сағаттары өтті. Бұл сабақтардан өз еліміздің тілін, тарихын, салт-дәстүрін, әдебиетін қадір тұтып, құрметтеу, сондай-ақ, мемлекетімізді әлемдік деңгейге жеткізу біздің қолымызда екенін, оқушыларға түсіндіріліп, «Туған елім», «Менің Отаным», «Қазақ елі» атты бейнероликтер тамашаланды.