«Мектеп, ата-ана, ұстаз бірлігі-сапалы ұрпақ тәрбиесінің ізгі жолдары»

  Ағымдағы жылдың 28 наурыз күні мектеп психологы Н.З.Исаева мектеп ұжымымен «Мектеп, ата-ана, ұстаз бірлігі-сапалы ұрпақ тәрбиесінің ізгі жолдары» атты тренинг өткізді.Тренинг барысында үш топқа бөлініп, (Ұстаздар.Оқушылар,Ата-аналар) Мұғалім, ата-ана, оқушы үштіктігін әр қырынан талдап, бір-бірінен не талап етілетінін анықтап алу үшін ата-ана мінсіз мұғалім, оқушы мінсіз ата-ана, мұғалімдер мінсіз оқушы моделін жасады. «Шегенің ізі» өсиет әңгімесін талқылап, өз ойларын ортаға салды. «Айна», «Барыс», «Қайшы» сөздермен ассоциация жаттығуы жүргізілді.Шаңырақ- киіз үйдің ең жоғарғы бөлігі. Оның пішіні күмбез тәріздес, шаңырақ уықтардың ұштарын біріктіріп ұстап тұрады. Киіз үйдің үстіндегі дөңгелек шеңбер осылай аталатыны белгілі. Біздегі үлкен шаңырақ бұл білім ордасы мектебіміз,уық шаңырақты берік етіп ұстайтын тірек , ал мектептің тірегі -сіздерсіздер.Біз бірлікте Оқушы – мұғалім, оқушы ата –ана, мұғалім-ата –ана- адамгершілікке бағытталған тұлға аралық қатынасты қалыптастыруға күш салатын үштік одақ. Ата — ана мектеппен байланысын күшейтуі арқылы ғана бала тәрбиесінде жақсы жетістікке қол жеткізе алатыны ақиқат. Ал, ата –ана мен ұстаздар арасындағы қарым –қатынасынан біз тамаша нәтиже күтеміз. Бар әдемілік пен әдептілікті бойына жинаған, халықтық тәрбиемен сусындаған, өз отбасына, өз ұстаздарына, өз мектебіне, сыныптас достарына, еліне құрмет сезімі қалыптасқан жеке тұлға қалыптастыра аламыз.Баланы білім шыңына көтеру үшін ата-ана мен мұғалім бірлесе бірін-бірі қолдау көрсете жұмылғанда ғана еңбектері күткен нәтижеге қол жеткізері анық.
Бейнежазба: https://www.instagram.com/reel/C5DLfLgsMuY/?utm_source=ig_web_copy_link&igsh=MzRlODBiNWFlZA==