"Нәтижеге бағытталған әдістемелік көмек"

  Ағымдағы жылдың 14 желтоқсан күні ББЖМ бойынша 2023-2024 оқу жылына арналған "Нәтижеге бағытталған әдістемелік көмек" тақырыбындағы онкүндіктің жоспары аясында "ББЖМ-2023 нәтижелері бойынша анықталған "орындалуы қиын" тақырыпта дөңгелек үстел ұйымдастырылды.
ББЖМ-нің өткізілу мақсаты: бастауыш, негізгі орта білім беру ұйымдарында ББЖМ мемлекеттік білім стандарт талаптарына сәйкес білім алушылардың білім сапасын бағалау мақсатында жүргізу. ББЖМ оқу сауаттылығы, математикалық сауаттылық, жаратылыстану-ғылыми сауаттылығы бойынша тест тапсырмалары үш қиындық деңгейінде ұсынылады: базалық (30% тапсырма),орташа (50%), жоғары (20%). Тапсырмалар қиындықты арттыру ретімен орналасқан: салыстырмалы түрде қарапайымнан қиынға және қиындық деңгейі жоғары тапсырмаларға дейін. ББЖМ нәтижелерінің кешенді талдауын, "Ы.Алтынсарин атындағы Ұлттық білім академиясы" шаруашылық жүргізу құқығындағы республикалық мемлекеттік кәсіпорны дайындаған әдістемелік ұсынымдарды жолдайды. Дөңгелек үстел басында: 1. ББЖМ көрсеткіштерін педагогтердің білім сапасымен қалай теңестіруге болады?
2. ББЖМ-2023 нәтижелері бойынша анықталған "орындалуы қиын" тақырыптарды қалай меңгертеміз?
3. ББЖМ кезінде білім алушылар қандай кедергілер мен жайсыздықтарға кездеседі? т.б. сауалдары талқыланды.