14
September
2023
"Төрт тоқсан-Төрт өнер"
Ағымдағы жылдың 14 қыркүйек күні Тұрар Рысқұлов атындағы №20 жалпы орта білім беретін мектебінде Қазақстан Республикасы Оқу-ағарту министрлігінің ұсынысымен Республика бойынша "Төрт тоқсан-Төрт өнер" ұлттық мәдени -ағартушылық жобаның тұжырымдамасы негізінде, «Ойтал» ауылының тұрғыны, зейнеткер- ұстаз, ақын- Термекүл Айдарқызымен кездесу өтті. Жалпы ұлттық рухты нығайтып, білім алушылардың шығармашылығын дамыту қашанда маңызды. Ақын - ақиқаттың жаршысы. Ал ақынның шығармашылығымен танысу, белгілі бір тақырыпқа орай көзқарасын білу, кім-кімге де қызықты болары сөзсіз. Осы орайда Термекүл апамыз білім алушыларды өзінің шығармашылығынан туындаған- «Жауғаш батырға», «Сыпатай», «Абайға тағзым», «Т.Рысқұлов», «Димаш атаға», «Жамбыл», «Бауыржан», «Қабылбек ата рухымен тілдесу», «А.Асқаровқа» және Мерейлі Меркі, тәуелсіздік, туған жер бата, тілектер туралы өлеңдерімен таныстырып, өлең жолдарын оқып берді. Термекүл апай ақындық өнері жайлы, өзінің шығармашылық жолы туралы білім алушыларға баяндап берді. Рас, рухани азық беретін осындай шаралар білім алушылар үшін ауадай қажет, әсіресе жастардың патриоттық сезімдерін шыңдауға септігін тигізері хақ. Басқосуда ел татулығы, бірлік пен тұтастық ұғымдары туралы маңызды ақпараттар айтылды.
