Республика күні – мемлекеттің символын айқындайтын маңызды мереке.

  Республика күні – мемлекеттің символын айқындайтын маңызды мереке. Бала кезінен бастап балаларды Отанға деген сүйіспеншілікке, мемлекеттік рәміздерге, ұлттық және мемлекеттік мерекелерге құрметпен қарауға баулу маңызды. Осы себепті, мектебімізде 2022 жылдың 20 қазан күні Республика күніне орай «Менің Отаным Қазақстан» атты салтанатты жиын өтті. Жиынды кішкентай дарынды қызымыз- 2 «В» сынып оқушысы Алтынбек Амина «Мен қазақ қызымын» әнімен ашты. Салтанатты жиынды 11 сынып оқушылары- Әлібек, Ақылбек, Дамелі және Ақұлпа жүргізіп, алғашқы сөз кезегін мектеп директоры- Нұрдаулет Талантұлына берді. Сонымен қатар жиынға мектеп әкімшілігі және Ойтал ауылдық округінің бас маманы- Көкенова Аида Талгатовна қатысып, жылы лебізін білдірді. Бүлдіршін қырмызы қыздарымыздың ән мен билері көпшілікті тамсандырды. 8 «В» сынып оқушылары «Атамекен» әнін және ҚР-ның Мемлекеттік Гимнді білім алушылар патриоттық сезімде мақтанышпен орындады. Жиын соңында аудандық, облыстық, республикалық байқаулар мен спорттық жарыстардың жеңімпаздары марапатталды.