Қос мереке – Отан Қорғаушылар және Жеңіс күндері

   Қос мереке – Отан Қорғаушылар және Жеңіс күндері қарсаңында дәстүр бойынша соғыс ардагерлерін, қарттарды мектеп оқушыларымен қауыштыру әдетке айналған. Биылғы кездесу 4 мамыр күні мектебіміздің 10 сынып оқушыларымен «Ер есімі, ел есінде!» тақырыбында мектебіміздің әскери жетекшісі- Н.С.Байбульдековтың ұйымдастыруымен Ұлы Отан соғысы және Тыл ардагерлерінің үйінде болды. Ардагерлеріміз мектеп оқушыларымен мәнді әңгімелер айтып, көңіл-күйлерін ортаға салды. Сонымен қатар соғыс және тыл ардагерлеріне естелік ретінде тәттілер сыйлыққа ұсынылып, алғыс пен құрмет көрсетілді. Егеменді ел болдық, қандастарымыздың саны көбеюде, жеріміз көркейіп, еліміз қарқындап даму жолында. Іргеміз берік, қадамымыз құтты. Міне осындай ардагер ақсақалдар болғаны үшін біздер бақыттымыз, олардың жетістіктері мен отбасының көбейіп өскеніне куәгерміз, еліміз соғыс-тыл ардагер-батырларына көп жақсылық көрсетіп, тоқшылықта, бейбітшілікте өмір сүре беруіне мүмкіншілік жасап, майдангер ақсақалдарын бастарына көтеріп, қошемет көрсетуде екеніне қуанамыз.