«Жаратылыстану (биология, химия, география) әдістемелік бірлестігінің 2024-2025 оқу жылына арналған алғашқы отырысы»

2024 жылдың тамыз айының 25 күні Тұрар Рысқұлов атындағы жалпы орта білім беретін мектебінің жаратылыстану (биология, химия, география) әдістемелік бірлестігінің отырысы өткізілді. Отырыста төмендегі мәселелер қаралды: 2023-2024 оқу жылында атқарылған жұмыстарға талдау жасалды. Мұғалімдердің оқу-әдістемелік, тәрбиелік және шығармашылық бағыттағы жұмыстары сараланып, жетістіктер мен кемшіліктер анықталды. Әдістемелік нұсқау хаттар және жаңартылған оқу бағдарламалары зерделеніп, мұғалімдерге таныстырылды. Биология, химия және география пәндері бойынша 2024-2025 оқу жылына арналған оқу жүктемелері бөлінді. Жаңа оқу жылына арналған күнтізбелік жоспар, қолданбалы курстардың мазмұны талқыланып, бекітуге ұсынылды.