Үйірме жұмысы- білім алушылардың шығармашылық қабілеті мен дербестіктерін жан-жақты дамыту

    Үйірме жұмысы- білім алушылардың шығармашылық қабілеті мен дербестіктерін жан-жақты дамыту, бос уақытын ұтымды ұйымдастыруға, мұғалімдердің шығармашылық қызметін шыңдауға жол ашады. Бала білімінің молаюына, дүниетаным аясының кеңеюіне үйірмелердің, сыныптан тыс жұмыс түрлерінің тигізетін әсері мол. Үйірме жұмысы алдымен кең тынысты шараларды жүзеге асыруға бағытталуы тиіс, сонда ғана ол оқушылардың ынта-ықыласын толық қанағаттандыра алады.
Биылғы оқу жылында көркем өнерлік- эстетикалық, сәндік- қолданбалы, спорттық, экологиялық бағыттарда ұйымдастырылды. Атап айтсақ, «Веселые художники», «Волшебная мастерская», «Шебер қолдар», «Волейбол» ұлдар, қыздар, «Жеңіл атлетика», «Баскетбол», «Дойбы», «Футбол», «Жас эколог», «Экология и дети», «Табиғат және біз», «Жасstar» КВН, «Театр және біз», «Этика и здоровье», «Болашақ» дебат сынды үйірмелер бар. Қазіргі уақытта 19 үйірмеге 449 бала қатысып, өздерінің қабілеттерін шыңдауда. Барлық үйірме жетекшілерінің жылдық жоспарлары бекітіліп, мектепішілік бұйрық шығарылды. Жалпы мектебімізде баланы тәрбиелеудің басты құралы саналатын үйірмелер жұмысы бір ізге түскен. Бұл бағытта түрлі жұмыстар атқарылып жатыр. Жоспар жүзеге асса, балалар көкжиегі кеңейіп, мүмкіндіктер әлеуеті артатын болады.