10
июнь
2022
“Жаз - 2022” тұжырымдамасы аясында
Үстіміздегі жылдың 10 маусымында лагерь тәрбиешілері мен үйірме жетекшілерінің ұйымдастыруымен “Жаз - 2022” тұжырымдамасы аясында балалардың саябақ туралы түсініктерін молайту, табиғатқа деген қамқорлық сезімін ояту, табиғатты сүйе білуге, оны ластамауға үйрету мақсатында “Балауса” лагерінде “Саяхат” күні өткізілді. Саяхат күні Рысказиева Ұлзананың жетекшілігімен саябақта таңғы жаттығумен басталды. Балалар әр түрлі ширату, бой жазу жаттығуларын жасады. Тәрбиешілердің жетекшілігімен балаларға саябақта өздерін қалай ұстау керектігін, қандай ережелерді қатаң ұстау керектігін түсіндірді. “Менің саябағым” аялдамасы бойынша балалар саябақтағы ағаш түрлерімен, жеміс ағаштарымен танысып, оларға күтім жасады. “Жануарлар “ аялдамасы бойынша балалар “Қояным тұршы”, “Бұл қай жануар? “ сияқты қимылды ойындар ойнады. “Құстар” аялдамасы бойынша балалар “Ұшты - ұшты” ойынын ойнады. “Соңғы аялдама” бойынша балалар асық, волейбол ойнап, әкелген тәттілерін жеп, уақытты ұтымды пайдаланды. Қорытынды ретінде тәрбиешілер “қайда бардың?”, “не көрдің?” деген сияқты сұрақтар қойып , қорытынды жасады.
