«Етістік туралы не білемін?» тақырыбында ашық сабақ өткізді

  2023 жылдың 9 ақпан күні Тұрар Рысқұлов атындағы №20 жалпы орта білім беретін мектебінің бастауыш сынып мұғалімі Асанқұлова Гаухар Ильясқызы бастауыш сыныптар айлығының жоспарына сәйкес қазақ тілі пәнінен «Етістік туралы не білемін?» тақырыбында ашық сабақ өткізді. Сабақ басында мұғалім сыныпта жағымды психологиялық ахуал орнатып, «Миға шабуыл» әдісі бойынша балаларға түрлі сұрақтар қоя отырып, сабақтың мақсаты мен тақырыбын анықтады. Мұғалім интербелсенді әдіс – тәсілдерді қолдана отырып, оқыту процесін жүзеге асырды. Жаңа форматтағы белсенді әдіс – тәсілдерді пайдаланды. Берілген тапсырмалар оқушылардың жас ерекшеліктеріне сәйкес алынып, қызығушылықтарын арттырды. Формативті бағалау әр тапсырмадан соң жүзеге асырылып отырды.  Сабақ соңында «Білім қоржыны» әдісі бойынша оқушылардан кері байланыс алынды. Сабақ өз мақсатына жетті.