Мұхтар Әуезовтің 125 жылдығы қарсаңында І аудандық "Әуезов оқулары" ғылыми-шығармашылық байқауы болып өтті

  Ағымдағы жылдың 23 желтоқсан күні заңғар жазушы Мұхтар Әуезовтің 125 жылдығы қарсаңында І аудандық "Әуезов оқулары" ғылыми-шығармашылық байқауы болып өтті.Байқаудың мақсаты- мектеп оқушыларын жазушының әдеби мұрасымен таныстыру, насихаттау, зерттеу, ғылыми қабілеттерін арттыру, әдеби тіл байлығын кеңейту, жазушы шығармаларының рухани құндылығын жас ұрпақтың бойына сіңіру.
Байқау жеті бағытты қамтыды.М.Әуезовтің ғұмырнамасы бойынша берілген арнайы талдау жұмыстарын орындап, сұрақтарға жауап беруде мектебіміздің 11-сынып оқушысы Орынбай Дархан ( жетекшісі: Аманбаева Салтанат) "Мұхтардың өзі де үлгі, өмірі де..." бағытында терең білімін көрсеткені үшін ҚР Ұлттық кітапханасы және Меркі ауданы әкімдігінің білім бөлімінің ІІ дәрежелі Дипломымен марапатталды.
Жазушының шығармалары бойынша "Мұхтар Әуезовтің рухани шәкірттері" бағытында "М.О.Әуезов және Абай" тақырыбында зерделеу жоба жұмысын үздік қорғағаны үшін 7-сынып оқушысы Жұмахан Мирасхан ( жетекшісі: Бейсебаева Фарида) ҚР Ұлттық кітапханасы және Меркі ауданы әкімдігінің білім бөлімінің ІІ дәрежелі Дипломымен марапатталды.
Байқау ауданда алғаш рет өткізіліп, шымылдығы ашылды. Болашақта дәстүрлі байқаулар қатарынан орын алады, сондықтан жазушы шығармаларының рухани құндылығын меңгеруде алдағы уақытта мектебімізден дарынды балалар көптеп шығатына кәміл сенеміз.
Қазақ тілі мен әдебиеті ӘБЖ: Бейсебаева Ф.И.