«ХХІ ғасыр білімпазы» атты интеллектуалдық ойын өткізілді

   Ағымдағы жылдың 23 желтоқсан күні Тұрар Рысқұлов атындағы №20 жалпы орта білім беретін мектебінің 3-сыныптар  арасында дарынды білім алушылардың логикалық ойлау қабілетін дамыту, оқуға құлшынысын, қызығушылығын арттыру мақсатында  «ХХІ ғасыр білімпазы» атты интеллектуалдық  ойын өткізілді. Ойынға 3 «А» сыныбының «Алғырлар», 3 «Ә» сыныбының  «Болашақ», 3 «Б»сыныбының  «Тәуелсіздік», 3 «В» сыныбының   «Тапқырлар», 3 «Г» сыныбының «Дважды два» және «Пятёрочки» командалары қатысты. Ойын 3 бөлімнен тұрды. І бөлім «Бәйге», ІІ бөлім «Дода», ІІІ бөлім «Жорға».Білім алушылар өз білімдерін ортаға салды. Ойын соңында әділқазылар алқасы командалардың жинаған ұпай санына қарай І,ІІ,ІІІ дәрежелі орындармен және номинациялармен марапаттады.