Жас мобилогарф байқауы

2025 жылдың қыркүйек айында мектебімізде оқушылардың шығармашылық қабілетін дамыту, заманауи технологияны тиімді пайдалану дағдыларын жетілдіру мақсатында "Жас мобилограф" атты байқау өткізілді. Байқауға 8–10 сынып аралығындағы оқушылар белсенді қатысып, өз шеберліктерін көрсетті.

Байқау ережесіне сәйкес, қатысушылар мектеп аумағынан белгілі бір локация таңдап, сол жерге байланысты сюжеті бар қысқа видео түсіруі тиіс болды. Түсірілген видеолар монтаждалып, сапалы әрі мазмұнды дайын өнім ретінде ұсынылды. Қазылар алқасы жұмысты мазмұны, креативтілігі, техникалық орындалуы және көркемдік сапасы бойынша бағалады.

Байқау қорытындысы бойынша:
- Бас жүлде — 10 "Б" сынып оқушысы Тұрсынбекова Ұлданаға бұйырды;
- І орын — 9 "В" сынып оқушысы Балтай Нұрзат;
- ІІ орын — 8 "А" сынып оқушысы Амангелді Нұрсезім;
- ІІІ орын — 9 "А" сынып оқушысы Серғали Каусар иеленді.

Байқау оқушыларға өз ойларын еркін жеткізуге, визуалды сауаттылық пен шығармашылық қабілеттерін шыңдауға мүмкіндік берді.