Әкімшілік - СШ №20 им. Т.Рыскулова

1-тоқсандағы білім сапасының қорытындысы бойынша педагогикалық кеңес өтті

admin — Sat, 04 Nov 2023 15:33:18 +0600

Ағымдағы жылдың қараша айының 1 күні Тұрар Рысқұлов атындағы #20 жалпы орта білім беретін мектебінде 2023-2024 оқу жылының жоспарына сәйкес кезекті педагогикалық кеңес өтті. Күн тәртібінде 1-тоқсандағы білім сапасының қорытындысы, БЖБ және ТЖБ тапсырмаларының орындалуы, ата-аналарды педагогикалық қолдау орталығының жұмысы мен ыстық тамақты ұйымдастыру барысы туралы мәселелер қаралып, талқыланды.

«Әділетті Қазақстанның экономикалық бағдары» атты кезекті Жолдауын талқылау мақсатында кездесу өтті.

admin — Tue, 05 Sep 2023 16:42:09 +0600

Ағымдағы жылдың 5 қыркүйек күні Тұрар Рысқұлов атындағы №20 жалпы орта білім беретін мектебінің педагогикалық ұжымның қатысуымен ҚР Президенті Қ.К.Тоқаевтың Қазақстан халқына арналған : «Әділетті Қазақстанның экономикалық бағдары» атты кезекті Жолдауын талқылау мақсатында кездесу өтті. Мектеп директоры Н.Мырзаханов алғашқы сөзінде Жолдаудың өз ерекшелігі бар екендігін айтып, елдің игілігіне бағытталған басты құжатта ел өміріне қатысты салмақты дүниелер мен білім, экономикалық салаға қатысты маңызды жаңалықтар жария етілгендігін тілге тиек етті. Сондай-ақ алға қойылған міндеттерді, басымдылықтар мен тапсырмаларды орындауда әрбір азаматтың өз үлесін қосуына шақырды, педагогтардың қойылған сұрақтарына жауап берді, қатысушылар мазмұнды да сындарлы кездесу үшін алғыс білдірді. Жиында жарыссөзге ДТІЖО- Б.Абдуалиева, тарих пәні мұғалімі- Е.Жамбылбек ойларын ортаға салып, мазмұнды баяндама жасады. Мектеп ұжымы биылғы Жолдаудағы негізгі бағыттарды талқылап, бірауыздан қолдау білдірді.

Кезекті директор жанындағы кеңес өтті

admin — Wed, 03 May 2023 13:00:35 +0600

Ағымдағы жылдың 2 мамыр күні Тұрар Рысқұлов атындағы №20 жалпы орта білім беретін мектебінің директоры Н.Мырзахановтың басшылығымен кезекті директор жанындағы кеңес өтті. Күн тәртібінде:
✓ «Күнделік» жүйесі арқылы сынып журналдарының дұрыс толтырылуы;
✓ білім алушылардың сабаққа қатысуы;
✓ 4-сынып білім алушыларының математикалық сауаттылығы;
✓ 8- сынып білім алушыларының ICILLS зерттеуіне дайындықтары;
✓ 9-сыныптардағы оқу үлгерімі және кәсіпке баулу жағдайы;
✓ «Жаһандық құзіреттілік» курстарының оқытылуы;
✓ мемлекеттік рәміздерді насихаттау бағытында жасалған жұмыстар;
✓ үйірме жұмысының жүргізілу сапасы;
✓ оқу жылының аяқталуы және 9,11 сыныптарда қорытынды аттестаттауды өткізу жұмысын ұйымдастыру жұмыстары қаралып, шешімдер жасалды.

Сонымен қатар, оқу жылының аяқталуына байланысты соңғы қоңырау, мемлекеттік емтихандарға, аттестат тапсыру салтанатына орай қаражат жинамау туралы мәселе қозғалды. Мектеп бітіруге байланысты мейрамханаларда тойлау, тау бөктеріне шығу, қымбат көліктермен серуен жасауға жол бермеу мақсатында түсіндіру жұмыстары жүргізілді.

Жасөспірімдер арасында құқық бұзушылықтың алдын алу мәселесі де күн тәртібінен қалыс қалмады. Сынып жетекшілерге тиісті тапсырмалар беріліп, ата-анамен жұмысты күшейту тапсырылды.

Кезектен тыс педагогикалық кеңес

admin — Mon, 17 Apr 2023 19:16:08 +0600

Ағымдағы жылдың 17 сәуір күні мектеп директоры Н.Мырзахановтың басшылығымен кезектен тыс педагогикалық кеңес 122 мұғалімнің қатысуымен өтті. Күн тәртібінде төмендегі мәселелер қаралды:

ҚР Оқу-ағарту министрлігінің 2023 жылғы 13 сәуірдегі №96 бұйрығымен«Орта, техникалық және кәсіптік, орта білімнен кейінгі білім беру ұйымдары үшін білім алушылардың үлгеріміне ағымдағы бақылауды, оларды аралық және қорытынды аттестаттауды өткізудің үлгілік қағидаларын бекіту туралы» Қазақстан Республикасы Білім және ғылым министрінің 2008 жылғы 18 наурыздағы № 125 бұйрығына өзгерістер енгізу туралы ұжымды таныстыру .
9 және 11 сыныптардың мемлекеттік емтиханның кестесі, емтихан алушы мұғалім мен ассистенттер құрамын бекіту.
Ағымдағы мәселелер.

№20 ЖОББМ кезекті педагогикалық кеңес

admin — Thu, 03 Nov 2022 09:27:38 +0600

Ағымдағы жылдың 3 қараша күні Тұрар Рысқұлов атындағы №20 ЖОББМ кезекті педагогикалық кеңес мектеп директоры Н.Т.Мырзахановтың басшылығымен өтті. Педкеңесте 1- тоқсандағы білім сапасының қорытындысы, математика және информатика пәдерінің оқытылу жағдайы, “Алтын белгіге”,”Үздік” аттестатқа үміткерлер ұсынылып, аттестаттаудан өтетін педагогтардың тізімі бекітілді, мектеп бітірушілердің қорытынды аттестаттау мен ҰБТ -не дайындықтары талқыланып, дене шынықтыру пәнінің мұғалімдерінің 1-тоқсандағы рейтингісі және мектепте “Ыстық тамақты ұйымдастыру" туралы мәселелер қаралды, тиісті қаулылар бекітілді.

Жұмысқа қабылдау бойынша комиссия отырысы өткізілді

admin — Sat, 03 Sep 2022 16:50:34 +0600

Мемлекеттік білім беру ұйымдарының бірінші басшылары мен педагогтерін лауазымға тағайындау, лауазымнан босату туралы ҚР білім және ғылым министрінің 2012 жылғы 21 ақпандағы “57 бұйрығына сәйкес мектепте педагогтерді жұмысқа қабылдау бойынша комиссия отырысы өткізілді

Білім бөлімінің әдіскері С.А. Метеркулова мектеп ұстаздарымен кездесу өткізді

admin — Fri, 27 May 2022 10:28:19 +0600

Тұрар Рысқұлов атындағы №20 жалпы орта білім беретін мектебінде 27.05.2022 күні аудандық білім бөлімінің әдіскері С.А. Метеркулова мектеп ұстаздарымен кездесу өткізді.Кездесу барысында Қазақстан Республикасының Конституциясына өзгерістер мен толықтырулар енгізу мақсатында өткізілетін Рефендум туралы түсіндіру жұмыстарын жүргізді. Референдумның мақсаты, толықтырулар мен өзгертулердің маңыздылығы туралы түсініктеме жұмыстарын жүргізді. Қазақстан Республикасының азаматтары ретінде мектеп ұжымын осы саяси науқанға белсенділікпен қатысуға шақырды.

Оқу жылының аяқталуы бойынша өткізілген әкімшілік жиналыс

admin — Tue, 17 May 2022 17:30:12 +0600

2022 жылдың 17 мамыр күні Тұрар Рысқұлов атындағы # 20 жалпы орта білім беретін мектебінде өткен оқу жылының аяқталуы бойынша өткізілген әкімшілік жиналысқа мектеп кураторы, білім бөлімінің әдіскері С.Метеркулова қатысып, бірқатар ұйымдастыру-жоспарлау жұмыстары жүргізілді. Жиналыста соңғы қоғырау, аттестат тапсыру салтанатты рәсімін өткізуге дайындық жұмыстары қаралды. Қорытынды аттестаттауды және “ Жазғы мектепті” ұйымдастыруға бағытталған дайындық барысы, аттестат пен мадақтама грамоталарды тіркеу журналдарының жағдайы, Алтын белгі, үздік аттестатқа үміткердердің құжаттары мен емтиханнан босатылған білім алушылардың құжаттары зерделенді.

Жолдауды талқылау жиналысы өтті.

admin — Fri, 25 Mar 2022 14:12:47 +0600

Ағымдағы жылдың 24 наурыз күні педагогикалық ұжыммен Президент Қacым-Жoмaрт Тoқaевтың халыққа Жолдауын талқылау үшін жиналыс өтті. Бұл жиында мектеп директоры Нұрдаулет Талантұлы өз баяндамасында жолдаудың негізгі бағыттарымен таныстырып, нақты тапсырмаларды атап өтті.
Келесі кезекте сөз алған директордың тәрбие ісі жөніндегі орынбасары Бекзат Макеновна президент жолдауында аталған барлық бағыттардың ел тағдыры үшін маңызды екенін, алайда елдің болашағы - жас ұрпақты тәрбиелейтін ұстаздар қауымының атқарар жұмысы өте жауапкершілікті жұмыс екенін жеткізді. Сонымен қатар директордың оқу ісі жөніндегі орынбасары Зауре Шамшаевна да өз сөзінде бүгінгі ел Президентінің жолдауы еліміздің болашақ дамуы мен ертеңгі күнге бетбұрысын айқындайтындығына тоқталды. Қазіргі қоғам-білімділердің қоғамы. Қай заманда да жастардың оқып, білім алу ісі шетке ысырып қоя салатын мәселе болмаған. Осы орайда білім беру саласына баса көңіл бөлініп, атқарылып жатқан жұмыстар көңіл қуантады.Ұстаздар қауымын мемлекет тарапынан жасалынып жатқан қамқорлық жігерлендіреді. Еліміздің заман көшіне ілесіп дамуы мен жаңаруы жолында аянбай еңбек ету ұстаздар қауымына парыз.
Мектеп ұжымы мемлекет басшысының Қазақстан халқына жасаған жаңа жолдауын зор ықыласпен қабылдап, ел өміріне серпіліс беретін келелі өзгерістердің, халықтың өмір сүру сапасын арттырып, əлеуметтік жағдайын жақсартуға арналған шаралардың бастамасы екендігіне сенім білдірді. Педагогтар Президент Жолдауындағы негізгі қағидалар туралы ой қозғап, өз пікірлерін ортаға салды. Жиын соңында мектеп ұжымы айтылған бағыттардың әрқайсысы аса маңызды болып табылатынын ескеріп, мемлекет басшысының Жолдауына бірауыздан қолдау білдірді. Президентіміздің игі бастамалары мен идеяларын қолдайтындықтарын және Жолдаудағы міндеттерді орындауға үлес қосатындықтарын жеткізді.

“Мемлекеттік аттестаттаудан” өткізуге дайындық жұмыстары

admin — Mon, 24 Jan 2022 20:45:39 +0600

Бүгін Тұрар Рысқұлов атындағы #20 жобб мектебінде аудандық білім бөлімінің әдіскері, мектеп кураторы Метеркулова Сауле Абдибаевнаның қатысуымен отырыс өткізілді. Мектеп әкімшілігінің отырысында басты мәселе мектепті мамыр айында “Мемлекеттік аттестаттаудан” өткізуге дайындық жұмыстары талқыланды.
Білім беру ұйымдарын бағалау өлшемшарттары “Білім туралы” 2007 жылғы 27 шілдедегі ҚР Заңының 5 бабының 21-2 тармақшасына сәйкес білім беру ұйымдарының білім беру қызметін өзін-өзі бағалауды жүзеге асыру кезінде пайдалану мақсатында әзірленген ҚР Білім және ғылым министрінің 2016 жылғы 2 ақпандағы #124 бұйрығымен бекітілген “Бастауыш,негізгі орта және жалпы орта білім берудің жалпы білім беретін оқу бағдарламаларын іске асыратын білім беру ұйымдарын бағалау өлшемшарттары” бойынша тиісті түсіндіру жұмыстары жүргізіліп, тапсырмалар берілді.