«Мемлекеттік рәміздер — елдігіміздің нышаны» атты тәрбие сағаты өтті

Мемлекеттiк рәміздер еліміздің дербестігін күллі әлемге жария етуші әрі мемлекетіміздің өткені, бүгіні және болашағы арасындағы сабақтастықтың жарқын бейнесі саналады. Сондықтан әрбір Қазақстан азаматы үшін Мемлекеттік рәміздер қастерлі. Ал әр азаматтың Мемлекеттік рәміздерді құрметтеуі — өз-өзіне көрсеткен құрметінің, болашағына деген сенімінің, өлшеусіз мақтаныш сезімінің көрінісі. Мемлекеттік рәміздердің 30 жыл толуына орай мектебіміздің 1 «В» сынып жетекшісі- Д.Абдувалиеваның ұйымдастыруымен «Мемлекеттік рәміздер — елдігіміздің нышаны» атты тәрбие сағаты өтті.
Ел құндылығын дәріптеп, мерейін асқақтатуды мақсат еткен шара одан әрі дарынды балалардың ән-биіне ұласып, білім алушылардың патриоттық ән-жырларымен өрілді. Қолдарын жүректеріне қойған әрбір бүлдіршіннің жанарлары мөлдіреп, Гимнді орындағандағы патриоттық сезімдері ерекше көзге түсті.