Халықаралық іс-тәжірибе алмасу шарасы

  Түркі халықтары арасындағы байланыс тек саясат, экономика салаларында ғана емес, мәдениет, ғылым мен білім саласында да өте жоғары деңгейде болуы қажет. Ғылымда, ізденіс пен тәжірибеде ешбір шектеу болмауы тиіс деп сенеміз. Осы орайда, Еуразия Инновациялық Ғылыми-Зерттеу Орталығының ұйымдастыруымен, еліміздің барлық өңірлерінің білім басқармаларының және Қазақстан Республикасының Әзербайжан Республикасындағы Елшілігінің қолдауымен, Әзербайжан тарапынан Баку Мемлекеттік Педагогикалық Университеті, Баку қаласы білім басқармасына қарасты №171 Заур Маммадов атындағы жалпы орта мектебі және Халықаралық Түркі Академиясы қолдауымен орта мектеп мұғалімдері арасындағы халықаралық іс-тәжірибе алмасу шарасына мектебіміздің директордың тәрбие ісі жөніндегі орынбасары- Абдуалиева Бекзат Макеновна қатысып қайтты. Бекзат Макеновна Баку қаласында халықаралық ғылыми-тәжірибелік конференцияға қатысып, дипломмен марапатталып, Әлемдік үздік ұстаздар қауымдастығының мүшесі сертификатын иеленді. Сонымен қатар мектеп директоры- Мырзаханов Нұрдаулет Талантұлына «Алғыс хат» пен сыйлыққа кітап берілді. Шара барысындағы №171 Заур Маммадов атындағы жалпы орта мектебі аясында ұстаздармен тәжірибе алмасу шарасына, Шәһидтер Аллеясына құрмет көрсетіп гүл қою шаралары үлкен әсер қалдырды. Сонымен қатар, Гейдар Алиев Орталығы, Ескі қала тарихи мәдени орталығы және көптеген Баку қаласының көрікті-тарихи орталықтарын аралап, танысты.
Бейнежазба: https://www.instagram.com/reel/CkxSgrMoAVS/?utm_source=ig_web_copy_link